EKOmerkatua bueltan da, eta beste behin hileko lehen larunbatean eginen du, oraingoan azaroaren 7an, ohiko espazioan, Iruñeko Autobus Geltoki zaharreko nasetan. Hitzordu berezia izango da, segurtasun arrazoiengatik eta osasun agintarien xedapenengatik edizio honek ez baitu jarduerarik izango, orain arte bezala. Hala, bertan behera geratuko dira larunbaterako programatutako jarduerak eta aurreko ostegunean Geltokin egin ohi den EKOtopaketa berriro martxan jarri arte.
Edizio berri honetan, indarrean dauden protokolo guztiak hartuko dira kontuan, bai aplikatzen ari zirenak, bai alarma-egoera ezarri ondoren adierazitako araudi berria. Horrela, postuek markatutako distantziak izango dituzte, sarrera- eta irteera-zirkuitu bat ezarriko da eta edizio segurua bermatuko duten elementu guztiak izango dira.
Gogoan izan behar dugu EKOmerkatuak hileko lehen larunbatero ekartzen dituela Iruñera sasoiko elikagaiak, freskoak, ekologikoan ekoitzi eta egindakoak eta ekoizleek zuzenean saltzen dituztenak, bitartekaririk gabe. Egoera honen aurrean, EKOmerkatuak merkatuak irekita mantentzeko eta beren produktuekin egunero elikatzen gaituzten pertsonei laguntzeko beharra aldarrikatzen du.
Datorren azaroaren 7an, mota guztietako elikagai ekologikoak aurkitu ahal izango dira, hala nola Erriberako sasoiko barazki freskoak, Vianako txerri-hestebeteak eta Goizuetako Betizu behi-hestebeteak, Lizarraldeako eztia, Nafarroako mendietako behi, ahuntz eta ardi-gaztak, Azkoiengo larreko arkumea, Ameskoetako marmeladak, Goldaratzeko arrautzak eta jogurtak, Erriberako eta Lizarraldeako olioak, Lakabeko ogia, Iruñerriko pastak, Lizarraldeako garagardoa eta Irunberriko ardoak, besteak beste. Aukera paregabea da landa-ingurunea eta jasangarritasuna bultzatzen laguntzen duten hurbiltasuneko elikagai osasuntsuez gozatzeko.
EKOMERKATUKO EKOIZLEAK. Azaroak 7.
- Domina. Betizuko hestebeteak. (Goizueta)
- La Corraliza de Don Pablo. Olioa (Azkoien)
- El Bordon. Hestebeteak (Viana)
- Erlan. Eztia (Izurzu)
- Axuribeltz. Ardi-gazta (Iturgoien)
- Jose Luis Olloqui. Landa-arkumea (Azkoien)
- Larrezabal. Ardi-gazta (Altsasu)
- Casa Paulina. Marmeladak (Artaza)
- Pittika. Gaztak (Erratzu)
- Ekollaondo. Gaztak, ahuntz-jogurta eta arrautzak (Goldaraz)
- Aranda. Oliba-olio birjina estra (Faltzes)
- Gil Pagola. Oliba-olio birjina estra (Eulz)
- Puente Viejo. Barazkiak (Caparroso)
- Elkea. Oliba-olio birjina estra, lekaleak eta garagardoa (Bakedano eta Artaxoa)
- Erlandere. Eztia eta propoleoak. (Arbeiza)
- Lakabeko Okindegia. Ogia eta pastak. (Lakabe)
- Erlin. Barazkiak. (Funes)
- Azpea upategiak. Ardoa. (Irunberri)
