Nafarroako elikagai ekologikoen zuzeneko salmentaren hileko merkatua
Sektore ekologiko produktiboak kontsumitzaileekin zuzeneko komunikaziorako eta salmentarako kanal bat ezartzeko duen kezkatik sortu da proiektua. NNPEKek ziurtatutako produktu ekologikoen merkatu bat, zuzeneko salmentakoa, ekoizle eta elaboratzaile txikiena eta tokiko jatorrikoa (Nafarroa).
Produktu ekologikoa eta tokikoa sustatzeko eta herritarrengana hurbiltzeko eta merkatu tradizionalek hiri-eremuaren eta landa-eremuaren arteko loturan duten eginkizuna indartzeko helburuarekin sortu da, bai eta ekoizleen eta kontsumitzaileen arteko aliantzak egiteko ere.
Zuzeneko salmentarako tokia, lehen sektorean balio erantsiaren zatia proiektatzeko aukera ematen duena, bai ekoizpenerako bai kontsumitzaileentzako prezio justuekin. Horrela, nekazaritza ekologikoaren eta landa-eremuen garrantziari buruzko sentsibilizaziorako gune bihurtzen da.
EKOmerkatua Nafarroako nekazaritza eta abeltzaintza ekologikoa sustatzeko gunea ere bada, ekoizleen eta kontsumitzaileen arteko topagunea, lankidetzan oinarritua. Agroekologia eta elikagaien subiranotasuna sustatzeko eta tokiko nekazaritza ekologiko txikia babesteko beharraz kontzientzia kritikoa sortzeko sentsibilizazio gunea.
Sektore ekoizleak berak identifikatutako behar bati erantzuten dio ekimenak. NNPEKek sustatu du proiektua, INTIArekin elkarlanean, eta Nafarroako Gobernuak eta Europako FEADER funtsek finantzatu dute, Landa Garapeneko Programaren 16.2 neurriaren bidez
