Udako hilabeteetan ohikoa den bezala, bere denboraldia dela eta, larunbat honetan, ohiko postuez gain, Ajos Olite Tainta izanen dugu lagun, Faltzesko baratxuri ekologikoekin. Zatoz eta proba ezazu! dastatze gunean baratxuri eta olio tostadez gozatu ahal izango dugu Geltokiren eskutik.
Baratxuriaren propietate sendagarriek bitxi bihurtzen dute elikagaia. Antiseptiko, antibiotiko eta antimikotiko naturalik onenetakoa da. Gainera, araztegi bikaina da, organismotik toxinak kentzen laguntzen du eta hesteetako flora sortzen eta birsortzen laguntzen du.
Faltzesen ondo ezagutzen dituzte beren jabetzak, baratxurien ekoizle nagusia baita. Badakigu XVII. mendeaz geroztik landatzen dela. Faltzetarrak, elizari hamarrenak ordaintzeaz aspertuta, beste labore batzuk jartzen hasi ziren, baratxuria adibidez, eta horien truke ez zuten hamarrena ordaindu behar, zerealarekin, lekaleekin eta barazkiekin gertatzen zen bezala.
Ajos Olite Tainta familia enpresa, baratxuri ekologikoen ekoizlea, gurekin izango da larunbat honetan, abuztuak 5, 10:00etatik 14:00etara, Iruñeko Autobus Geltoki Zaharrean. Faltzeseko ohiko produktuaz gain, EKOmerkatuan hilero aurkitzen ditugun ohiko elikagaiak egongo dira, osasungarriak eta jasangarriakk, zuzenean ekoizten duten pertsonen eskutik.
12:00etatik 14:00etara, ‘Zatoz eta proba ezazu’ izeneko gunean, Geltokiren eskutik, baratxuri eta olio tostaden doako dastaketa izango da. Gainera, baratxuriak nola urkatu edo txirikordatzen diren ere ikusi ahal izango da.
EKOmerkatuko beste berrikuntzetako bat Casa Paulina marmeladak izango direla da, Eulaten egindako marmelada ekologikoekin.
Zuen zain gaude EKOmerkatuan!
EKOMERKATUKO EKOIZLEAK, ABUZTUAK 5.
Elkea. Lekaleak, garagardoa. Bakedano eta Artaxoa.
Casa Paulina. Marmeladak. Eulate.
Axuribeltz. Ardi-gazta. Iturgoien.
El Puente Viejo. Barazkiak. Caparroso.
Gil Pagola. Oliba-olio birjina estra. Eulz.
Larrezabal ECO. Ardi-gazta. Altsasu.
Ekollaondo. Arrautzak, gazta eta esnekiak. Goldaratz.
Domiña. Betizu hestebeteak. Goizueta.
Erlan. Eztia. Izurzu.
Erlandere. Eztia. Arbeiza.
Pittika. Behi-gazta. Erratzu.
Lakabeko okindegia. Ogia eta pastak. Lakabe
Olite Tainta. Baratxuriak. Faltzes.
Azpea upeltegia. Irunberri. Ardoa.
