Larunbat honetan, otsailaren 4an, EKOmerkatuak neguko barazki ezagunei eskainiko die eguna berriro, azken asteetan izotza jasan duten aire zabaleko barazkiei, hala nola aza, brokolia, kardua eta aza lonbardiarra. Horretarako, Sila Panorekin Sasoiko barazkiak jateak sendatzen gaitu izeneko tailerra antolatu da. Postu gonbidatuak Horta de Ximo Valentziako zitrikoekin eta Aleka Euskal Herriko hazi ekologikoen elkartea izango dira. Informazio guztia www.ekomercado.org helbidean.
Larunbat honetan EKOmerkatuak neguko barazkien aniztasun eta aberastasun handia erakutsi nahi du. Gainera, hilero bezala, EKOmerkatua aukera bat da Nafarroako elikagai ekologikoak erosteko, freskoak, sasoikoak eta zuzenean ekoizleengandik. Horrela, edizio honetan, EKOmerkatuak 16 ekoizle hartuko ditu: Imotz bailarako, Sakanako, Lizarraldeko eta Baztango gaztak, Lizarraldeko olioa eta garagardoak, Goizuetako hestebeteak, Izurzuko eztia, Beriaingo pasta, Artzibarko ogia, Irunberriko ardoa, Faltzesko sagarrak, Imotz haraneko arrautzak, Munarrizko patatak eta lekaleak eta Erriberako sasoiko barazkiak, Valentziako zitrikoak eta Euskal Herriko hazi ekologikoak.
EKOmerkatu honen beste berrikuntzetako bat da hilabete honetatik aurrera ordutegia aldatzen duela eta elikagai ekologikoen merkatua 10:00etan hasiko dela. Horrela, ordutegia 10:00etatik 14:00etara izango da.
Postu gonbidatuak
Hilabete honetan ere Aleka, Euskal Herriko hazi ekologikoen elkartea, izango dugu postu gonbidatu gisa. Gaur egungo hazien merkatuaren alternatiba bat sortzearen aldeko apustua egiten duen elkartea da Aleka, bertako barietateen hazi ekologikoak berreskuratuz. Dozena bat ekoizlek osatzen dute kolektiboa, eta hazia ugaltzen eta, ondoren, Euskal Herriko ekoizleei (profesionalei edo afizionatuei) banatzen aritzen dira.
Bere webgunean hainbat kategoriatan banatutako hazien katalogo oso bat aurki daiteke: hosto-landareak, fruituak, sustraiak eta erraboilak, lekadunak, loreak eta landare usaintsuak. Horiei ongarri berdeak, lurrari emankortasuna itzultzeko landatzen diren landareak, gehitzen zaizkie.
Bestalde, neguko denboraldian ohikoa den bezala, Horta de Ximo izango dugu lagun laranjekin, mandarinekin, pomeloekin, limoiekin, kakiekin eta laranja ekologikoaren zukuarekin Valentziatik zuzenean.
Neguko barazkien tailerra
Larunbat goizerako, neguko barazkien propietateei buruzko tailer bat antolatu da 12: 00etan, Sasoiko jateak sendatzen gaitu izenekoa, Sila Pano biologoaren eskutik. Tailerra doakoa da, cpaen@cpaen.org helbidean izena eman ondoren.
EKOtopaketa Tina Asensiorekin
Otsailaren 2an, ostegunarekin, gainera, EKOtopaketa egingo da, azoka aurreko ostegunean egiten den sukaldaritza magistraleko eskola eta ondorengo afari ekologikoa. Oraingo honetan, Tina Asensio Baratza Kafea jatetxeko sukaldari bioenergetikoak neguko entsalada plater bat prestatuko du sasoiko barazkiekin eta ekologikoekin tempeh bakonarekin. EKOmerkatuko ekoizleek beren elikagaiak nola eta non ekoizten dituzten azalduko dute, eta prestatutako anoa eta Geltokik egindako beste hiru (bi gazi eta gozo bat) dastatuko dira.
EKOtopaketaren informazio gehiago eta erreserbak: https://ekomercado.org/eu/ekotopaketa/
JARDUERA
12:00.Sasoiko barazkiak jateak sendatzen gaitu. Sila Panorekin, nutrizio natural eta terapeutikoan aditua den biologoarekin. Izen-emateak hemen: cpaen@cpaen.org
