WALTER VILLORRIA (CASA PERICO JATETXEA)
Osagaiak (4 p)
- baratxuria
- tipula
- borraja
- zerba
- babarrun berdea
- azenarioa
- kalabaza
- kardua (eskuragarritasunaren arabera)
Nola prestatu
Garbitu eta egosi barazkiak bereizita. Hoztu uretan izotzarekin eta gorde.
Txikitu tipula eta baratxuri finak, erregosi oliba-oliotan, gehitu arto-irina, txigortu eta, gorrituta dagoenean, gehitu borrajaren egosketa-salda saltsa lodia sortu arte.
Bestalde, arkumea oliotan murgildurik konfitatuko dugu 12 orduz 85 ºC-tan, gero hezurra kenduko diogu eta haragiarekin erruloak egingo ditugu film paperarekin lagunduz.
Sartu kameran hotz egon arte. Ondoren, xaflatan moztu eta zartaginean olio beroarekin markatuko dugu.
Arkumearen saltsarako, txigortu hezurrak tipula eta baratxuri zati batzuekin, atera erretilua eta desglasatuko dugu ardo zuriarekin. Txikitu eta irakiten jarriko dugu arto-irinarekin testura emanez.
Barazkiak nahastu eta bateratu, eta bigarren urratsean egindako veloute-a gehitu. Altxatu pixka bat dena batera irakitera iritsi gabe, eta platereratu.
